INCOMUNICACIÓN: ORIXE DA DIFERENZA
"O illamento coma causante da división da humanidade en diferentes comunidades nacionais"
Antes de nada, gostaríame definir ao que eiquí se lle vai chamar nación. O concepto que empregaremos non será o que parte da ilustración e que considera á nación como unha agrupación de individuos posuidores en conxunto da soberanía sobor da cal se asenta o Estado, senón o definido por Stalin que considera á nación como unha "comunidade estable, historicamente formada de idioma, de territorio, de vida económica e de hábitos psicolóxicos reflexados nunha comunidade de cultura".
A partires de eiquí, tentarei presentar unha teoría sinxela e lóxica que explique a aparición de diferentes entes culturais alternativa ao mito de Babel que propón a Biblia. E para iso servireime das teorias biolóxicas da especiación (orixe das diferentes especies animais) equiparando especie con nación.
Un dos modelos desta teoría, o coñecido como especiación Alopátrica, explica como a partir dunha poboación única poden xurdir duas comunidades diferentes pola mediacíon dunha fronteira xeográfica:
Nun caso social como o humano, a fronteira aparece cando dúas comunidades fican illadas:
-por custións xeográficas: rios, mares e barreiras xeolóxicas. Coma no caso da diferenciación entre "Galia" e "Hispania" pola mediación dos Pirineos na Romania.
-por custións políticas: Coma no caso da segregación do Condado de Portucale do Reino de Galiza, e posterior creación do Reino de Portugal no 1143, provocando dous camiños evolutivos diferentes que darian logar aos idiomas galego e portugúes.
